Кєд мі пришла карта нароковац,
Став я свого няня дошыковац:
Встанте, няню, з гробу, зробте таку волю,
Идте за ня служиц на ту войну.

Не піду я служиц на ту войну,
Ні, не піду служиц я за тебе,
Кєд ти пришла карта идий на воєнку,
Ид на войну служиц сам за себе!

Мої камаратя, вчынте волю,
Идте за ня служиц на ту войну,
Бо я ищы младий і младе дівча мам,
Як ня виручыте, вшытко вам дам!

Як мі пришла карта нароковац,
Став я музыкантів дошыковац:
Гей вы, музыканте, заграйте мі чардаш,
Най сой вытанцую свій младий час!

Стали музыканте чардаш грати,
Стали мі ся з очы сызы ляти,
Ніхто не заплаче, ні отец, ні матка,
Лем за мном заплачут три дівчатка.

А єдна заплаче, бо я єй брат,
А друга заплаче, бо я єй сват,
А третя заплаче, бо плакати мусит,
Бо она од мене перстен носыт.