Ref : Niy niy niy... Niymce gŏdajōm, że my sōm Polŏki,
Polŏki gŏdajōm, że my sōm Niymce.
A my sōm Ślōnzoki i powiym wŏm wiyncyj,
Że przede wszystkim to my sōm ludzie. x2

Po cō nŏs dzielicie?
Co tō my jakiś pōmiot?
W czym niby Ślōnzok jest gorszy ôd Wŏs?
My sōm ludzie niy zwierzynta,
Choć trzimani ciōngle w pyntach.
Ô co by my niy prosili,
Ôdwrŏcŏcie sie na piyntach.
Niy mōm racji? Zaprzeczycie mojim słowōm?
Ino skōnd sie wy mie biere to co terŏzki wōm gŏdōm.
Niy chcã wytykać wōm błydōw,
Prŏwda w ôczy wŏs zakuła.
Stykniy wōm ino to pedzieć:
"Małpa ciferblat zepsuła".
Traktowani durś na zmianã,
Keby (?) Ślōnsk my mōmy wrazić.
Coby ino pysk zawarli,
I skōńczyli zaś sie wadzić.
Jŏ dziyńkuja tym u gōry,
za te wasze traktowaniy.
Mōm nadziejã, że nŏsz narōd,
kościōm w gardle wōm sie staniy.

Ref : Niymce gŏdajōm, że my sōm Polŏki,
Polŏki gŏdajōm, że my sōm Niymce.
A my sōm Ślōnzoki i powiym wŏm wiyncyj,
Że przede wszystkim to my sōm ludzie. x3

Bo tyn regiōn cołke lata,
Ino wojny wybuchały.
Kŏżdy miŏł tyn narōd w rzici,
Tukej piyniōndz jest niy mały.
Wōm to ino w gowie trzaskŏ,
Coby zabrać nasze dobra.
Wy w ancugach co dzielicie
Ślōnski narōd sali ôbrad
Niy mŏcie pōmysłu na to co ze Ślōnskiym zrobić
Jŏ podpowiym - autōnōmia tu powinna sie narodzić.
Dejcie spokōj wynokwianiu,
Że to pōmysł jest do bani.
Wy, ci mōndrzy i rzōndzōncy co Ślōnzokōw mŏcie za nic.
Rōbcie tak dalyj a bydziecie mogli poczuć
Co to znaczy tamowaniy łez płynōncych z ôczu
Jak tyn narōd Gōrnoślōnski kery ciynżko mŏcie strawić
Zrobi gyszynk-niyspodziankã i ôgōnym sie postawi.

Ref : Niy niy niy... Niymce gŏdajōm, że my sōm Polŏki,
Polŏki gŏdajōm, że my sōm Niymce.
A my sōm Ślōnzoki i powiym wŏm wiyncyj,
Że przede wszystkim to my sōm ludzie. x5