Дробна драбніца, дробна драбніца
Дробны дожджык л’е
Сабралася бедна басота
Ды гарэлку п’е.
Сабралася бедна басота
Ды гарэлку п’е.

П’ем мы гарэлку, п’ем мы гарэлку
Будзем піць віно
А хто прыйдзе з нас насмяецца
Будзем біць таго.
А хто прыйдзе з нас насмяецца
Будзем біць таго.

Ой, прыйшоў дзядзька, дзядзька багаты
Насміхаецца:
— Скуль жа, скуль жа бедна басота
Напіваецца?
— Скуль жа, скуль жа бедна басота
Напіваецца?

Ой ты не смейся, дзядька багаты
Ты не смейся з нас,
Вазьмі ў рукі чарку гарэлкі,
Выпі ты за нас.
Вазьмі ў рукі чарку гарэлкі,
Выпі ты за нас.

— Рад бы я выпіць, рад бы я з’есці,
Рад бы закусіць.
Але ж маю сто рублёў грошай,
Шкода размяніць.
Але ж маю сто рублёў грошай,
Шкода размяніць.

Адзін за ручкі, другі за ножкі,
Трэці ў карак б’е:
— Не хадзі ты, дзядзька багаты,
Дзе басота п’е.
— Не хадзі ты, дзядзька багаты,
Дзе басота п’е.

Дробна драбніца, дробна драбніца...