Ja jedu pa vosieńskim liści,
Jedu ja praz dziciačyja sny,
Jedu ja pa pahorkach i vyspach,
Pa darohach zimy i viasny.
Ja jedu tudy, dzie śvietła,
Dzie łunaje pavietrany šar,
Dzie vietraź napounicca vietram,
Dzie soncam aśvietlicca tvar.
Usio na kryvi, usio na kaściach,
Usio šmatznačnaje adnaznačna!
Ja maju svoj hierb, ja maju svoj ściah,
Ja maju svoj kraj, dzie dychać mnie smačna!
Ja jedu praz šeryja vioski,
Jedu ja cieraz znaki biady.
Ja jedu praz kropki dy koski,
Ja jedu adsiul tudy.
Tudy, dzie uzychodzić zołak,
Dzie padaje śnieh dołu,
Dzie śviecić kaladnaja zorka,
Dzie haryć kupalskaje koła.
Usio na kryvi, usio na kaściach,
Usio šmatznačnaje adnaznačna!
Ja maju svoj hierb, ja maju svoj ściah,
Ja maju svoj kraj, dzie dychać mnie smačna!
Ja jedu pa viečnym brudzie,
Za brudam nia bačna ziamli,
Kaliści tut štości budzie,
Voś tolki što i kali?
Dajedu adno pa rymu
Na chvalach ściudzionych viatrou.
Ja jedu u svaju krainu
Na viečnuju zorku dziadou
Usio na kryvi, usio na kaściach,
Usio šmatznačnaje adnaznačna!..
Ja maju svoj hierb, ja maju svoj ściah,
Ja maju svoj kraj, dzie dychać mnie smačna!